Qazaxıstan hökumətinin mətbuat xidmətindən KONKRET.az-ın Orta Asiya ölkələri üzrə bürosuna verilən məlumata görə, bu gün Qazaxıstan hökumətinin konfrans iclasında icbari sosial tibbi sığortanın (İSTS) tətbiqi ilə bağlı pilot layihənin nəticələri nəzərdən keçirilib.

Sentyabrın 1-dən Qaraqanda bölgəsində, İSTS sistemini sınaqdan keçirməyə və Qazaxıstanda tammiqyaslı tətbiq olunmağa imkan verəcək pilot layihə həyata keçirilməyə başlayır. İki ay ərzində bölgənin reabilitasiya yardımı ilə əhatə dairəsi artıb (42,2%), daha çox insan tibbi sığorta ilə bahalı testlərdən (KT və MRT) keçməyə başlayıb (192%).

Pulsuz tibbi yardımın (PTY) yeni təminat modeli və İSTS paketi yanvarın 1-dən üç səviyyəli tibbi dəstək sisteminin tətbiqini nəzərdə tutur.

Birinci səviyyə – PTY-nin yeni təminat modeli dövlət öhdəliklərinin aydın hüdudlarını müəyyənləşdirir və əsas tibbi xidmətlərin hamı üçün beynəlxalq səviyyədə qəbul olunmuş beynəlxalq standartını tətbiq edir.

İkinci səviyyə – sığortalı əhali üçün İSTS paketidir, tibbi xidmətin zəmanətli həcminə əlavə olaraq tibbi xidmətin mövcudluğunu təmin edir.

Üçüncü səviyyə – PTY və İSTS paketlərinə daxil olmayan tibbi xidmətlərdir. Onlar ödənişli və ya könüllü tibbi sığorta yolu ilə verilir.

İSTS-in tətbiqini nəzərə alsaq, ümumilikdə, 2020-ci ildə ölkə üçün səhiyyə büdcəsi təxminən 1.5 trilyon tenge (3.8 milyon dollar), o cümlədən İSTS-in hesabına 500 milyard tenge (1.3 milyon dollar) çox olacaq. Əhalinin ehtiyaclarına, o cümlədən tibbi reabilitasiyaya əsasən prioritet tibbi yardım növlərinin maliyyələşdirilməsi xeyli artacaq ki, bu da gələn il 7 dəfə və 2025-ci ilə qədər 11 dəfə artacaq. Gələn il tibb işçilərinin maaşı həkimlər arasında 30%, tibb bacıları arasında 20% artırılacaq və 2025-ci ildə mövcud əmək haqqı ilə müqayisədə 2 dəfə çox olacaq.