Yəmən husiləri ABŞ Hərbi Dəniz Qüvvələrinə məxsus “Dwight Eisenhower” təyyarədaşıyan gəmisinə, eləcə də “Transworld Navigator” yük gəmisinə raket zərbələri endiriblər.

KONKRET.az xəbər verir ki, bu barədə Ənsar Allah hərəkatının nümayəndəsi Yəhya Səriya “Telegram” kanalında məlumat verib.

“Ordumuzun raket bölmələri Qırmızı dənizin şimalında Amerikanın “Dwight Eisenhower” aviadaşıyıcısına qarşı əməliyyat keçirərək, bir neçə ballistik və qanadlı raketlər atıb. Əməliyyatın məqsədlərinə uğurla nail olunub “, – Husi sözçüsü yazıb.