Xankəndi şəhərində bu il 80 uşağın məktəbəqədər təhsilə cəlb olunması nəzərdə tutulur.

KONKRET.az xəbər verir ki, bunu report-un Xankəndiyə ezam edilmiş əməkdaşına açıqlamasında Qarabağ Regional Təhsil İdarəsinin müdir səlahiyyətlərini icra edən Anar Məcidov deyib.

Onun sözlərinə görə, Xankəndidə sentyabrın 23-də fəaliyyətə başlayacaq uşaq bağçasının işçi heyəti artıq komplektləşdirilib:

“Xankəndi şəhər 1 saylı artıq fəaliyyətə başlayacaq. Bazamızda 4 qrupda. Qeyd etmək istəyirəm ki, daxil olan müraciətlərin sayı 80-dən çoxdur.

Qarabağ Regional Təhsil İdarəsi olaraq, bir əməkdaşımızı Xankəndi şəhərinə ezam etmişik. O, bağçada işə qəbul olmaq istəyən vətəndaşlarla, həmçinin uşaqlarını məktəb və bağçaya qoymaq istəyən valideynlərlə görüş keçirir. İşçi heyəti artıq komplektləşdirilib və bağça sentyabrın 23-də fəaliyyətə başlayacaq”.