Albaniyanın paytaxtı Tirana şəhərində “Avropa Siyasi Birliyi” 6-cı Zirvə toplantısının açılış mərasimi keçirilib.
KONKRET.az xəbər verir ki, Azərbaycan Respublikasının Prezidenti İlham Əliyev tədbirdə iştirak edib.
Albaniya Respublikasının Baş naziri Edi Rama Azərbaycan Prezidenti İlham Əliyevi, Zirvə toplantısında iştirak edən digər dövlət və hökumət başçılarını qarşıladı.
Toplantı iştirakçıları birgə foto çəkdirdilər.
Builki Zirvə toplantısında ümumilikdə 50-yə yaxın ölkədən dövlət və hökumət başçıları iştirak edirlər.
Tədbirdə innovasiya, enerji və sənaye davamlılığına keçid yolu ilə rəqabətqabiliyyətli və iqtisadi təhlükəsizlik, miqrasiya, Avropanın yeni dünya kontekstində lider mövqe tutması kimi mövzular müzakirə olunur.
Qeyd edək ki, “Avropa Siyasi Birliyi” təhlükəsizlik, iqtisadi sabitlik və demokratik idarəetmə kimi sahələrdə əməkdaşlığı gücləndirmək məqsədilə həm Avropa İttifaqı daxilində, həm də ondan kənarda kiçik və böyük ölkələr arasında siyasi və iqtisadi koordinasiyanı təşviq etməyə yönəlmiş hökumətlərarası platformadır. Birliyin məqsədi ümumi maraq doğuran məsələlərin həlli üçün siyasi dialoqu və əməkdaşlığı inkişaf etdirmək, Avropa qitəsinin təhlükəsizliyini, sabitliyini və rifahını gücləndirməkdir.
***
Avropa Siyasi Birliyinin altıncı sammiti bu gün bütün qitənin liderlərini Albaniyanın paytaxtı Tiranada “Yeni dünyada yeni Avropa: Birlik – Əməkdaşlıq – Birgə fəaliyyət” mövzusunda bir araya gətirəcək.
KONKRET.az Teleqraf-a istinadla xəbər verir ki, Azərbaycan Prezidenti İlham Əliyev sammitdə iştirak edəcək.
Liderlər əvvəlcə təhlükəsizlik və Avropanın gələcəyinə ümumi baxışa həsr olunmuş plenar sessiyada görüşəcəklər.
Daha sonra aşağıdakı mövzular ətrafında üç yüksək səviyyəli dəyirmi masa keçiriləcək:
– Rusiyanın Ukraynaya qarşı təcavüzkar müharibəsi də daxil olmaqla Avropanın təhlükəsizliyi və demokratik dayanıqlığı
– Rəqabət qabiliyyəti və iqtisadi təhlükəsizlik
– Mobillik problemləri və gənclərin səlahiyyətləndirilməsi
İclasa Albaniya Baş naziri Edi Rama və Avropa Şurasının prezidenti Antonio Koşta həmsədrlik edəcək.
Avropa Siyasi Birliyinin VI iclasında iştirak etmək üçün 47 dövlət və hökumət başçısı dəvət olunub:
– Avropa Birliyinə 27 üzv ölkə
– Azərbaycan
– Türkiyə
– Ukrayna
– Albaniya
– Böyük Britaniya
– Andorra
– Bosniya və Herseqovina
– Gürcüstan
– İslandiya
– Kosovo
– Lixtenşteyn
– Moldova
– Monako
– Monteneqro
– Şimali Makedoniya
– Norveç
– San Marino
– Serbiya
– İsveçrə
– Ermənistan