İranda avtomobilin vurduğu naxçıvanlı TIR sürücüsü vəfat edib.

KONKRET.az xəbər verir ki, 10 gün əvvəl qonşu ölkənin Culfa şəhəri yaxınlığında sürücüsü olduğu avtomobilin qapısını açarkən digər avtomobilin vurduğu Babək şəhər sakini, 1986-cı il təvəllüdlü Nəsirov Nəvai Yasin oğlu vəfat edib.

Qeyd edək ki, qəzadan sonra ağır bədən xəsarətləri alan N.Nəsirov Təbriz şəhərində xəstəxanaya aparılmışdı. Koma vəziyyətində olan sürücü gecə saatlarında müalicə aldığı xəstəxanada vəfat edib. Onun nəşinin bu gün Naxçıvana gətiriləcəyi gözlənilir.