Türkiyəli jurnalist Çetiner Çetin İranın xarici işlər naziri Abbas Əraqçi və ABŞ-nin xüsusi nümayəndəsi Stiv Uitkoff arasında keçirilən danışıqlar zamanı tərəflərin az qala əlbəyaxa dava edəcəklərini iddia edib.

KONKRET.az xəbər verir ki, tərəflər arasında kəskin münaqişə Hörmüz boğazı ətrafındakı vəziyyətə görə yaranıb.

Məlumata görə, Uitkoff “boğazın istənilən şəraitdə açılmalı olduğunu” sərt şəkildə bəyan edib.

İranın xarici işlər naziri Abbas Əraqçi isə cavabında Tehranın danışıqlar masasında olduğunu və “heç bir əmri dinləmədiyini” vurğulayıb.

O həmçinin qeyd edib ki, ABŞ-nin boğazı açmaq üçün 40 gün vaxtı var idi, lakin indi “onlar boğazı bir dəqiqə belə aça bilməyəcəklər”.//musavat.com