İsrail səfiri Bakıda müalicə alan qazilərlə görüşdü – FOTObackend

İsrail səfiri Bakıda müalicə alan qazilərlə görüşdü - FOTO

İsraildən gəlmiş həkimlər qrupu indiyədək 100-dən çox Vətən müharibəsi qazisinin müalicəsinə kömək olublar.

KONKRET.az xəbər verir ki, bu barədə İsrail səfirliyindən bildiriblər.

İsrailin Azərbaycandakı səfiri Corc Dik (George Deek) Akademik Zərifə Əliyeva adına Milli Oftalmologiya Mərkəzinə gələrək burada müalicə olunan qazilərimizə baş çəkib.

“Bu, İsraillə Azərbaycan arasında dostluğun ruhundan irəli gəlir. Bu insanlara sağlamlıqlarını, özlərinə inamı, vətənləri Azərbaycanda gözəl, normal, ləyaqətli həyata geri dönmək qabiliyyətini bərpa etməyə kömək etmək istəyirik”, – səfirliyin “Twitter” səhifəsində qeyd olunur.

“Əslində, şokolad həvəskarı deyiləm, amma bu “Snickers” nə vaxtsa aldığım hədiyyələr arasında ən dəyərlisindən biridir. Arif müharibədə görmə qabiliyyətini itirmişdi, amma israilli həkimlərin keçirdiyi əməliyyatdan sonra sağaldı. Bu “Snickers” də Arifin təşəkkürünü bildirmək vasitəsi oldu”, – səfir “Twitter”də yazaraq qazi ilə çəkdirdiyi şəkili paylaşıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*