“Çeçenistan rəhbəri Ramzan Kadırovun ABŞ prezidenti Donald Trampı Rusiya lideri Vladimir Putinin “pərəstişkarı” adlandırması Kreml tərəfindən verilən siyasi mesaj kimi qiymətləndirilmir”.
Bu fikirləri KONKRET.az-a açıqlama verən politoloq Taleh Əliyev səsləndirib:
Kadırovun özünün Putin pərəstişkarı olması heç kimdə şübhə doğurmur və onun bu cür fikirləri Kremlin xəbəri olmadan da səsləndirməsi mümkündür:
“Ciddi siyasətçilər və ekspertlər ABŞ kimi dövlətin prezidentinin Putinə pərəstişkarlıq etməsini qeyri-səmimi yanaşma sayırlar. Bu, müzakirəyə açıq mövzu deyil. Trampın Putinlə səmimi davranmasının səbəbi ABŞ-ın həmin dövrdəki siyasi maraqları ilə bağlıdır. Heç bir halda Tramp Putinə pərəstiş edə bilməz və bunu Kadırov da yaxşı başa düşür”.
Müşviq Tofiqoğlu
KONKRET.az