Karantində 31 yaşlı bir kişini öldürdülər və parçalara bölərək basdırdılar – VİDEObackend

Karantində 31 yaşlı bir kişini öldürdülər və parçalara bölərək basdırdılar - VİDEO

İldırım Musayev, Mərkəzi Asiya ölkələri üzrə xüsusi müxbir

Özbəkistanın Daşkənd şəhər prokurorluğu mayın 7-də paytaxtda baş verən dəhşətli qətllə bağlı video yayımlayıb.

KONKRET.az-ın Mərkəzi Asiya ölkələri üzrə bürosu xəbər verir ki, mayın 8-də səhər saatlarında Üçtəpə rayon sakinindən 31 yaşlı oğlu Ravşan R.-nin evdən öz işinin dalınca getdiyini və geri qayıtmadığını bildirən mesaj gəlib.

Araşdırma zamanı məlum olub ki, Ravşanın 1990-cı il təvəllüdlü Camolitdin A. adlı bir dostu var. Bu ilin yanvar ayında Camolitdin Ravşandan “Spark” almaq qərarına gəlib və pulu 2 ay ərzində verməyə söz verib. Ancaq Ravşan pulu gözləməyib və maşını geri götürüb.

Camolitdin bu səbəbdən Ravşana qarşı kin saxlayıb.

Mayın 7-də günortadan sonra 23 yaşlı bir tanışının köməyi ilə Ravşanı aldadaraq evinə aparıb. Maksud adlı gənclə ona mənzilə girən kimi hücum ediblər.

Maksud etiraf etdiyi kimi, oğlanı vurub, sonra əllərini və ayaqlarını iplə bağlayıb və mənzildən çıxıb.

Ravşan təcavüzkardan ona nə lazım olduğunu soruşub. Camolitdin ona pul lazım olduğunu bildirib. Sonra Ravşan evdə 30 min dollar, ofisdə isə 50 min dollar olduğunu deyib. Ravşan həyat yoldaşı ilə əlaqə yaradıb, toplanan pulu isə Camolitdin Muzaffar adlı bir şəxsin köməyi ilə ələ keçirib.

Ravşan Camolitdinə deyib ki, onsuz da onu tapacaq və hara lazımsa deyəcək. Camolitdin onun sözlərindən qorxaraq Ravşanın başına küt alətlə vurmağa başlayıb.

Dediyinə görə, gəncin yerindən tərpənmədiyini, həyat əlamətləri göstərmədiyini və öldüyünü anlayıb. Sonra cəsəddən qurtulmaq üçün qollarını, ayaqlarını, başını kəsib, sümüklərini sındırıb, bədənin hissələrini bükərək küçədə basdırıb.

Camolitdin, Maksud və digəriləri barəsində cinayət işi açılıb.

KONKRET.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*