Koronavirus havada neçə dəqiqə qala bilər? – ARAŞDIRMAbackend

Koronavirus havada neçə dəqiqə qala bilər? - ARAŞDIRMA

COVID-19 xəstəliyinə səbəb olan koronavirus ventilyasiyalı qapalı məkanda azı 30 dəqiqə qala və 4,5 metrə qədər hərəkət edə bilər. Bu isə dünyanın səhiyyə orqanlarının tövsiyə etdiyi “təhlükəsiz məsafə”dən (2 metrə qədər) çoxdur.

Bu barədə çinli epidemioloqlarının apardığı araşdırmada qeyd olunub.

Hunan əyalətinin alimləri yoluxmuş çinlinin maskasız halda mindiyi avtobusda koronavirusun yayılması ilə bağlı konkret halı təhlil ediblər. Təhlil edilən halda həmin şəxs salonun müxtəlif yerlərində əyləşmiş 7 sərnişini, o cümlədən ondan 6 sıra və ya 4,5 metr uzaqlıqda olan cütlüyü yoluxdurub. Bundan əlavə, virus təyinat nöqtəsinə çatdıqdan 30 dəqiqə sonra yenidən yola çıxan növbəti reysin sərnişininə də keçib.

Alimlər, həmçinin koronavirusun öskürək və ya asqıraq zamanı tənəffüs yollarından çıxan damcıların düşdüyü səthdə bir neçə gün qala biləcəyini müəyyən ediblər. İnfeksiyanın xarici mühitdə nə qədər qalması isə tempraturdan və materialın növündən asılıdır. Məsələn, 37 dərəcə istilikdə virus iki-üç gün şüşə, parça, metal, plastik maddə və ya kağız səthində aktiv qala bilir.

Çinli alimlər əl yumağın və ictimai yerlərdə, xüsusilə nəqliyyatda maska taxmağın vacibliyini qeyd ediblər./Az24

  • Azad HəsənLi BorsunluTV
    Mart 18, 2020 - 11:03

    Mümkün qədər içtimai nəqliyyatdan az istifadə etmək lazımdır. Avtobus, metro və digər yol nəqliyyat vasitələrindən az istifadə edin.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*