Macarıstan hökuməti ABŞ-dan ölkə daxilindəki müxalif qüvvələrə dair məlumat – kompromat tələb edib.

KONKRET.az xəbər verir ki, bu həftə Vaşinqtonda ABŞ-ın Beynəlxalq İnkişaf Agentliyinin (USAID) mənzil qərargahında baş tutan görüş zamanı macar nümayəndə heyəti keçmiş Prezident Donald Tramp administrasiyasının rəsmiləri ilə görüşüb. Görüş zamanı macar tərəfi USAID-in Macarıstandakı tərəfdaşları və əməkdaşları ilə bağlı konkret məlumatlar istəyib.

Mənbənin bildirdiyinə görə, ABŞ rəsmilərindən bəziləri bu müraciətə ciddi narahatlıqla yanaşıblar. Onlar hesab edirlər ki, Macarıstanın baş naziri Viktor Orbanın rəhbərlik etdiyi hökumət bu cür məlumatlardan ölkədə müstəqil medianı və vətəndaş cəmiyyəti qruplarını sıxışdırmaq üçün istifadə edə bilər. Bu səbəbdən amerikalı rəsmilər istənilən məlumatları təqdim etməkdən imtina ediblər.

Hadisə beynəlxalq dairələrdə Macarıstanın demokratik institutlara təzyiqi ilə bağlı artan narahatlıqları bir daha gündəmə gətirib.

Natiq Səlim,
KONKRET.az