Macarıstanın Baş naziri Viktor Orban və “Fides” hakim partiyasının üzvləri ölkə parlamentində Aleksey Navalnının xatirəsinin anılması zamanı ayağa qalxmaqdan imtina ediblər.

KONKRET.az macar mediasına istinadən xəbər verir ki, iclasın əvvəlində müxalifətçi deputat Bentce Torday hər kəsdən Navalnının xatirəsinin bir dəqiqəlik sükutla yad etməsini xahiş edib və ayağa qalxmağı xahiş edib. Amma hökumətin başçısı və komandası, eləcə də hakim partiyanın deputatları yerlərindən qalxmayıblar.

Baş nazir öz hərəkətini “Macarıstan parlamentində şovinistlərə hörmətin edilməməsi” ilə izah edib.  Nəzərə çatdırıb ki, Gürcüstan-Rusiya müharibəsi zamanı gürcüləri gəmirici adlandıran adama hörmət etmir: “Qalan məsələlərə gələndə, rahat uyusun”.

O, Navalnının ölümünə reaksiya zamanı soyuqqanlılıqlarını qoruyub saxlayan hakim partiyanın təmsilçilərinə minnətdarlığını bildirib.

Qeyd edək ki, Navalnı 2008-ci ildə “gəmiricilər” frazasını söyləyib və sonradan dəfələrlə buna görə üzr istəyib. Sonuncu dəfə 2023-cü ilin aprelində o, Gürcüstanın keçmiş prezidenti Mixail Saakaşvilinin azadlığa buraxılmasına çağırış etdiyi zaman da təkrar üzrxahlıq edib. O bu təhqiramiz epiteti dostunun Sxinvalidə atəş altında oturmasının təsiri ilə yazdığını xatırladıb və bunu utancverici adlandırıb.

Xatirə SADİQ,

KONKRET.az