Bakı şəhəri, Qaradağ rayonu ərazisində ölümlə nəticələnən yol qəzası baş verib.

KONKRET.az bildirir ki, Xezerxeber.az-ın məlumatına görə, Bakı-Qazax magistralının Ələt qəsəbəsindən keçən hissəsində avtomobil Ağcabədi rayon sakini Mais Cəfərovu vurub. Piyada aldığı xəsarətlərdən vəfat edib. Yaxınları bildirir ki, hadisədən əvvəl Mais Cəfərovun maşınında nasazlıq yaranıb. Hadisə o, maşını saxlayıb düşən zaman baş verib.

Dünyasını dəyişən 45 yaşlı musiqiçi Mais Cəfərov Ağcabədidə torpağa tapşırılıb.

Hadisə ilə bağlı araşdırmalar davam etdirilir.

Daha ətraflı videomaterialı təqdim edir.