Yaponiyanın Kitakyuşu (Fukuoka prefekturası) şəhərindəki “McDonalds” restoranında naməlum şəxs məktəblilərə bıçaqla hücum edib.

KONKRET.az xəbər verir ki, hadisə nəticəsində  15 yaşlı qız öldürülüb, bir məktəbli isə xəstəxanaya yerləşdirilib. İstintaqın məlumatına görə, dekabrın 15-də axşam saatlarında bir nəfər restorana daxil olub və kassanın yanında növbə gözləyən uşaqlara bıçaqla bir neçə zərbə endirib. Bundan sonra o, dərhal cinayət yerindən qaçıb. Hazırda polis onu axtarır. Hadisədən sonra Kitakyuşudakı məktəb və uşaq bağçaları öz fəaliyyətlərini dayandırıb.

Vəli Həsənoğlu,

KONKRET.az