Los-Anceles məhkəməsi İngiltərə “Liverpul”unun sabiq futbolçusu Daniel Starrici 30 min ABŞ dolları ödəməyə məcbur edib.

KONKRET.az xəbər verir ki, 32 yaşlı hücumçu həmin məbləği itini tapan şəxsə verməli olub.

İt 2019-cu ildə Starricin evindən oğurlanıb. Təcrübəli forvard sosial şəbəkədə izləyiciləri ilə əlaqə saxlayıb və ev heyvanını ona verəcək şəxsə 30 min dollar ödəyəcəyini bildirib.

İti Los-Ancelesdə Foster Vaşinqton adlı musiqiçi tapıb, futbolçu isə ona pul mükafatı verməkdən imtina edib. F. Vaşinqton bundan sonra ingiltərəli oyunçunu məhkəməyə verib.

Qeyd edək ki, Daniel Starric oktyabrdan Avstraliyanın “Pert Qlori” klubunda çıxış edir.