Modelyer Valentin Yudaşkin dünyasını dəyişib.

KONKRET.az xəbər verir ki, bu barədə Birinci Kanalın mətbuat xidməti məlumat yayıb. Bildirilir ki, məşhur rusiyalı modelyer Valentin Yudaşkin 59 yaşında vəfat edib.

“Kədərli xəbər. Valentin Yudaşkin getdi. Bu barədə onun həyat yoldaşı məlumat verib. Brilliant modelyer, dünya modasının tanınmış ustası. Onun geyimlərini şou-biznes, teatr və kino ulduzları geyinib və şouları həmişə böyük diqqəti cəlb edib”, – deyə Birinci Kanal bildirib.

Qeyd edək ki, son aylarda modelyer xərçənglə mübarizə aparırdı. Onun 59 yaşı var idi.

Xuraman Etibarlı,

KONKRET.az