İsrail hökumətinin iddiasına görə, Misir HƏMAS tərəfindən saxlanılan israilli girovların azad edilməsi üçün danışıqlar masasına yeni təklif irəli sürüb.

KONKRET.az Səudiyyə Ərəbistanının “Asharq”xəbər agentliyinə istinadən xəbər verir ki, Misirin təşəbbüsü döyüşləri bitirmək və bütün girovları üç mərhələdə azad etməkdir.

İlk addım 40 girovun – qadınların, azyaşlıların və qocaların, xüsusən də xəstələrin azad edilməsi müqabilində üç-dörd həftəyə qədər uzana biləcək hərbi əməliyyatların iki həftə müddətinə dayandırılması olardı. Bunun müqabilində İsrail 120 fələstinli məhbusu azad edəcək. Bu müddət ərzində hərbi əməliyyatlar dayandırılacaq, İsrail tankları geri çəkiləcək və Qəzzaya humanitar yardımlar göndəriləcək. İkinci mərhələ Fələstin fraksiyaları – əsasən Fələstin Muxtariyyəti və HƏMAS – arasında yaranmış fikir ayrılığına son qoymaq və Qəzzanın yenidən qurulmasına nəzarət edəcək İordan çayının qərb sahilində və Qəzzada texnokratik hökumətin formalaşması üçün Misirin maliyyələşdirdiyi “Fələstin milli danışıqlarını” əhatə edəcək. Üçüncü mərhələ İsrail həbsxanalarındakı müəyyən sayda fələstinli məhbuslarının müqabilində israilli girovların azad edilməsini əhatə edəcək. Bu mərhələdə İsrail Qəzza zolağındakı qəsəbələrdən qoşunlarını çıxaracaq və anklavın şimalından köçkün düşmüş qəzzalıların öz evlərinə qayıtmasına icazə verəcək.

Vəli Həsənov,

KONKRET.az