Dünya çempionatında bıçaqlanaraq ağır xəsarət alan Azərbaycan Muay-Thai Federasiyasının prezidenti, 9 qat dünya çempionu Araz Musayevə edilən hücumla bağlı yeni detallar məlum olub.
KONKRET.az xəbər verir ki, Türkiyə mediası, xüsusilə Haberturk TV-nin məlumatına görə, 28 may tarixində Antalyada keçirilən dünya çempionatı zamanı baş verən hücumda iştirak edən beş nəfərdən biri Azərbaycan Kikboksinq yığmasının baş məşqçisi Elşən Abdülrəhimov olub. O da daxil olmaqla, hadisə ilə bağlı 5 nəfər saxlanılıb.
Qeyd edək ki, Araz Musayev çempionat zamanı iki nəfərin hücumuna məruz qalıb. Nəticədə o, boyun və qarın nahiyəsindən bıçaqlanıb. Hal-hazırda Musayevin vəziyyəti stabildir və müalicəsi davam edir.
Hadisə idman ictimaiyyətində böyük rezonansa səbəb olub və hüquq-mühafizə orqanları tərəfindən araşdırma aparılır.
Natiq Səlim,
KONKRET.az