Əmək və Əhalinin Sosial Müdafiəsi Nazirliyinin tabeliyindəki DOST İş Mərkəzi və Rəqəmsal İnkişaf və Nəqliyyat Nazirliyinin tabeliyindəki “Azərpoct” və “Aztelekom” MMC-lər yeni layihəyə başlayıblar.

Nazirlikdən KONKRET.az-a bildirilib ki, layihə çərçivəsində DOST İş Mərkəzi tərəfindən 1231 nəfər ictimai işçi “İşsizin DOSTu” proqramı üzrə “Azərpoct” MMC və “Aztelekom” MMC müəsissələrində fəaliyyətə başlayıb.

Onlar DOST İş Mərkəzi ilə bağlanmış əmək müqavilələri əsasında həmin müəssisələrində poçtalyon və operator işlərini yerinə yetirirlər.

Layihə 60 rayonu əhatə edir.

“İşsizin DOSTu” proqramı çərçivəsində 56 min ictimai iş yeri mövcuddur.