Bu gün Korrupsiyaya Qarşı Mübarizə Məhkəməsində iqtisadiyyat naziri Vaqan Kerobyanın işi üzrə növbəti məhkəmə iclası keçirilib. Necə oldu ki, Nikol Paşinyana ən sadiq nazirlərdən biri təqsirləndirilən şəxs qismində dindirilir?

KONKRET.az xəbər verir ki, mövzuya Kerobyan Məhkəmə binasının həyətində “Hraparak”a verdiyi müsahibəsində aydınlıq gətirib.
O vurğulayıb ki, sədaqəti Paşinyana deyil, vətəninə, xalqınadır.

“Bunun niyə mənim başıma gəldiyi çox aydındır. İşlədiyim müddətdə qətiyyətli idim, hökumətin göstərdiyi planları tam şəkildə həyata keçirməyə çalışdım və bu yolda özümə düşmənlər qazandım”, – deyə Kerobyan qeyd edib.

“İşimdə peşəkar olmağa, xalqıma xidmət etməyə çalışdım. Xarakterim belədir: Vətənimə, xalqıma sadiq idim. Mənə qarşı irəli sürülən ittiham son dərəcə ağrılıdır, işlədiyim müddətdə heç bir korrupsiya mövzusuna qarışmamışam”, deyə o yekunlaşdırıb.

Günel Mikayılova,

KONKRET.az