“Zirə”nin baş məşqçisi Rəşad Sadıqov Konfrans Liqasının ikinci təsnifat mərhələsi çərçivəsində Xorvatiyanın “Hayduk” klubuna qarşı sabah keçirəcəkləri oyundan öncə mətbuat konfransında iştirak edib.

KONKRET.az Milli.Az-a istinadən xəbər verir ki, təcrübəli məşqçi konfransda maraqlı sualları cavablandırıb.

O, komandanın əsas üzvü Salif Sumanın gedişindən və komandaya gec qoulub cəzalanan Rafael Utziqdən danışıb: “Suma getdi və artıq bizim futbolçumuz deyil. Onu izləyəcəyik yenə də. Rafaelə gəlincə, cəzalıdır, 4 həftəlik əvəzedici heyətə göndərilib. Bundan başqa, o, cərimə olunub, pul cəzası alacaq. Hazırda planlarıma daxil deyil. Gələcəkdə nə olacağını isə görəcəyik”.