KONKRET.az-ın Orta Asiya ölkələri üzrə bürosu xəbər verir ki, Brüsseldə səfərdə olan Özbəkistanın xarici işlər naziri Abdulaziz Kamilov və Avropa Beynəlxalq Əməkdaşlıq və İnkişaf Komissiyasının baş direktoru Koen Doens “Özbəkistan Respublikasının Dünya Ticarət Təşkilatına qoşulması” və digər texniki yardım layihələrinin maliyyələşdirilməsinə dair sazişlər imzalayıblar.
Qeyd edək ki, respublikanın ÜTT-yə daxil olması üçün layihə çərçivəsində ayrılan qrant vəsaitlərinin miqdarı 5 milyon avrodur.
Layihə Özbəkistana bütövlükdə bu təşkilata üzv olmaq, o cümlədən lazımi sənədlərin hazırlanması, ÜTT razılaşmaları və beynəlxalq ticarət sistemi çərçivəsində özbək mütəxəssislərinin biliklərini artırmaqda kömək edir.