KONKRET.az 47news-a istinadən xəbər verir ki, Leninqrad vilayətinin Vıborq bölgəsindi döyüş sənəti müəllimi yetkinlik yaşına çatmayan şagirdinə qarşı cinsi zorakılıqda şübhəli bilinir.

Məşqçinin 48 yaşının olduğu bildirilir. Onun Özbəkistandan gəldiyi və yerli idman klubunda dərs dediyi haqqında məlumat verilib.

Həmin məlumatda daha sonra qeyd olunur ki, Özbəkistan vətəndaşına yetkinlik yaşına çatmayan şəxsə qarşı cinsi xarakterli zorakılıq maddəsi ilə cinayət işi başlanıb. 16 yaşlı məktəbli qızın atası polisə müraciət edib. Qızının dediyinə görə, məşqçi idman klubunun binasında ona təcavüz edib.

2018-ci ilin avqustunda Rusiyaya gələn məşqçi iki gündür həbs edilib.