Rusiya Prezidenti Vladimir Putin Ukraynadan bütün şərqi Donbas bölgəsindən imtina etməyi, NATO-ya üzv olmaq ambisiyalarından əl çəkməyi, neytral qalmağı və Qərb qoşunlarını ölkəyə buraxmamağı tələb edir.

KONKRET.az axar.az-a istinadən xəbər verir ki, bu barədə Kreml rəhbərliyinə yaxın olan və adının çəkilməyini istəməyən üç mənbə “Röyters” agentliyinə deyib.

Bildirilib ki, Rusiya Prezidenti Vladimir Putin və ABŞ Prezidenti Donald Tramp Alyaska görüşü zamanı üç saatlıq qapalı iclasda Ukrayna üzrə mümkün güzəşt variantını müzakirə ediblər.