“Qarabağ” futbolçusu Mahir Emreli ilə bağlı yayılan xəbərlərə münasibət bildirib.

Klubun direktoru Emrah Çelikel Qol.az saytına açıqlamasında 21 yaşlı hücumçuyla bağlı xarici klublardan onlara rəsmi və qeyri-rəsmi təkliflər olduğunu təsdiqləyib.

“Bəli, Mahirə görə rəsmi və qeyri-rəsmi təkliflər var. Amma biz hazırda APOEL-lə Çempionlar Liqasında keçirəcəyimiz növbəti oyun haqda düşünürük. Gələn həftə keçirəcəyimiz həmin matçdan sonra bu barədə lazımi geniş açıqlama veriləcək” – deyə E.Çelikel bildirib.

Azərbaycan, Türkiyə və İspaniya mətbuatında yayılan xəbərlərə əsasən, Türkiyənin Superliqa təmsilçiləri “Trabzonspor” və “Gənclərbirliyi”, həmçinin İspaniya Sequndasında çıxış edən “Estremadura”, “Malaqa” və “Almeriya”nın Mahirlə maraqlandığı iddia olunur.