Qazaxıstan hakimiyyəti ölkəyə avtomobil yolu ilə toyuq yumurtasının idxalına qadağa qoyub.

KONKRET.az yerli mediaya istinadən xəbər verir ki, müvafiq əmri respublikanın Kənd Təsərrüfatı Nazirliyi hazırlayıb.

Qadağanın 2024-cü il mayın 1-dən altı ay müddətinə tətbiq edilməsi təklif edilib.

Kənd Təsərrüfatı Nazirliyinin açıqlamasında bildirilir ki, 2024-cü il yanvarın 1-nə olan statistikaya görə, respublikada 56,5 milyon baş quş var.

Milli Statistika Bürosunun ilkin rəqəmlərinə əsasən 2023-cü ildə ixrac 175,9 milyon ədəd, idxal isə 286,9 milyon ədəd təşkil edib. Beləliklə, istehsal hesabına daxili bazarın təminatı 98 faiz təşkil edir.

Natiq Səlim,

KONKRET.az