Qazaxıstanın Aktau şəhəri yaxınlığında qəzaya düşən təyyarədə həlak olan Anar Babayev Rusiyanın Çeçenistan Muxtar Respublikasının Qroznı şəhərində işləyib.

KONKRET.az Report-a istinadla xəbər verir ki, bunu onun atası Zöhrab Babayev jurnalistlərə açıqlamasında deyib.

O bildirib ki, Dağıstandan Azərbaycana indi gəlib:

“Oğlumla dünən əlaqə saxlamışdım. Telefonunun enerjisi yox idi. Mənə demişdi ki, təyyarədən enən kimi zəng vuracaq. Saat 9-da xəbər gəldi ki, qaza olub. Ondan bir müddət sonra ölüm xəbərini eşitdik. Qroznıda işləyirdi. Evli olsa da, uşağı yox idi. Bizə nəşinin gətirilməsi ilə bağlı hər hansı məlumat verilməyib”.