“Bölgədə baş verən hadisələr göstərdi ki, İsrailin baş naziri Benyamin Netanyahunun Qəzza zolağında atəşkəsi saxlamaq niyyəti yoxdur”.

KONKRET.az xəbər verir ki, bunu Türkiyənin xarici işlər naziri Hakan Fidan TRT Worlda açıqlamasında deyib:

“Təəssüf ki, Netanyahunun niyyəti bütün məhbuslar geri qaytarılan kimi hücumları bərpa etməkdir. Çünki onu ABŞ-dan başqa heç bir güc saxlaya bilməz”.

Nazir vurğulayıb ki, ABŞ prezidenti Tramp və onun administrasiyası Qəzzada yeni soyqırımın qarşısını almağa borcludur. Fidan ümidvar olduğunu bildirib ki, hər iki tərəf atəşkəs sazişinin icrasının ikinci mərhələsinə keçmək üçün lazımi detallar üzərində razılığa gələcək:

“Növbəti iki həftə ikinci mərhələyə keçmək baxımından böyük əhəmiyyət kəsb edir”, – deyə Fidan vurğulayıb.

Vəli Həsənoğlu,

KONKRET.az