İki gün əvvəl sosial şəbəkələrdə fotosu yayılmış qurudulmuş Xarı bülbülün kədərli hekayəsi var.

Hekayənin qəhrəmanı Təranə Tağıyeva 29 ildir ki, bu Xarı bülbülü saxlayır.

O bildirib ki, gülü 1991-ci ildə qardaşı ilə birlikdə dərib.

O qardaşı ki, Birinci Qarabağ müharibəsində itkin düşüb:

“Getdik, dağın başından gülü dərdik, dedim, onu qurutmaq istəyirəm. Qardaşım təəccübləndi ki, nəyə görə qurudursan, gələn il də gəlib yığarıq. Nə gələn il oldu, nə Xarı bülbül”.