“Rasim Musabəyov Rusiyanın tör-töküntüsüdür, babası da eyni qələti edirdi” – Sərdar Cəlaloğludan SƏRT SÖZLƏRbackend

"Rasim Musabəyov Rusiyanın tör-töküntüsüdür, babası da eyni qələti edirdi" - Sərdar Cəlaloğludan SƏRT SÖZLƏR

Milli Məclisin deputatı, politoloq Rasim Musabəyov Rusiyanın “NTV” kanalına Rusiya-Türkiyə sülhməramlıları ilə bağlı müsahibə verib. Rasim Musabəyovun müsahibəsi sosial şəbəkələrdə söz-söhbətə səbəb olub. O, müsahibəsində Türkiyə Ordusunun Dağlıq Qarabağa gəlməməli olduğunu və əks təqdirdə bunun regiondakı təhlükəsizliyə xələl gətirə biləcəyini qeyd edib.

Bununla bağlı KONKRET.az-a danışan ADP sədri Sərdar Cəlaloğlu bildirib ki, Rasim Musabəyov uzun müddətdir parlamentdə qeyri-qanuni təmsil olunur. Onlar ailəlikcə ruspərəst insanlardır. Azərbaycan dilində ağzını əyə-əyə danışır. Rasim Musabəyov deputat kimi prezidentin mövqeyinə 180 dərəcə əks mövqe orta qoyur. Xatırlayırsınızsa, cənab Prezident qeyd etdi ki, üçüncü dövlət münaqişəyə müdaxilə edərsə, Türkiyə də edəcək. Türkiyə həmişə bizim yanımızdadır. Rasim Musabəyov isə prezidentin mövqeyinə əks mövqe ortaya qoyur. Milli Məclis Rasim Musabəyov haqqında tədbir görməlidir. Ondan öncə Polad Bülbüloğlu, Qüdrət Həsənquliyev və digərləri prezidentin mövqeyinə əks fikirlər səsləndiriblər”.

Partiya sədri qeyd edir ki, dövlət başçısının fikirləri bir qıraqda qalır, deputatlar xalqlarımızın və dövlətlərimizin arasında münasibətləri pozmağa çalışır:

“Qarabağ müharibəsinin qələbə ilə nəticələnməsi 50 faiz Azərbaycan xalqının şücaəti, qəhrəmanlığının nəticəsində oldusa, 50 faizi də türk diplomatiyasının və silahının hesabına oldu. Türkiyə necə ola bilər ki, əməyi olan və azad edilən torpaqlarımıza gəlməsin? Nəyə görə Rusiya gəlməlidir, Türkiyə yox? Ümumiyyətlə, Rasim Musabəyovun mandatı əlindən alınmalıdır. Bu cür adamlar Milli Məclisdən təmizlənməlidir. Onların hər biri Rusiyanın tör-töküntüləridir. Onlar ölkə başçısının mövqeyinin əleyhinə çıxaraq dövlətlərarası münasibəti pozmaq istəyirlər. Rasim Musabəyovun babası zamanında çalışırdı ki, demokratik cumhuriyyət ləğv edilsin və yenidən Azərbaycan işğal olunsun. Nəvəsi də eyni qələti edir. Onlar haqqında ciddi tədbirlər görülməlidir. Çünki Rasim Musabəyovun səsləndirdiyi fikirlər çox ciddi siyasi səhvdir. Dövlətimizin seçdiyi strateji xəttə ziddir. Bu fikir Dağlıq Qarabağ probleminin Azərbaycanın xeyirinə həll edilməsinin əleyhinə yönəlmiş fikirdir. Türkiyə Dağlıq Qarabağa gəlməsə, orada bütün proseslər Azərbaycan əhalisinin əleyhinə inkişaf edəcək. Rasim Musabəyovun bu fikiri xalqın və dövlətin əleyhinədir”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*