Rezidenturaya qəbul imtahanının ikinci mərhələsi (ixtisas fənləri üzrə biliklərin qiymətləndiriliməsi imtahanı) üzrə sınaq imtahanında iştirak etmək istəyən namizədlərin qeydiyyatı davam edir.

Dövlət İmtahan Mərkəzindən bildirilib ki, iyunun 25-i saat 11:00-a olan məlumata görə, sınaq imtahanında iştirak etmək istəyən 54 namizəd qeydiyyatdan keçib.

Sınaq imtahanı iyunun 29-da DİM-in Nəsimi rayonu, Ə.Salamzadə küçəsi, 28 ünvanında yerləşən binasında (keçmiş Bakı Asiya Universitetinin binası) elektron formada keçiriləcək və saat 10-da başlayacaq. Namizədlər iyunun 28-i saat 17-dək internet saytında qeydiyyatdan keçə bilərlər.