Yekaterinburqdakı Azərbaycan diasporunun rəhbəri Şahin Şıxlinski cinayət işi üzrə axtarışa verilib.

KONKRET.az xəbər verir ki, bu barədə Rusiya Daxili İşlər Nazirliyi məlumat yayıb.

Rusiya DİN Baş İdarəsinin bazasında Şahin Şıxlinskinnin axtarışa verilməsi barədə məlumat yerləşdirilib.

Qeyd edək ki, iyulun 1-də Yekaterinburqdakı Azərbaycan diasporunun rəhbəri Şahin Şıxlinski Rusiya hüquq-mühafizə orqanları tərəfindən saxlanılmışdı. Sərbəst buraxıldıqdan bir müddət sonra isə onun barəsində axtarış elan edildiyi bildirilmişdi.