“2024-cü ildə Rusiya hakimiyyəti hərbi büdcə xərclərini ÜDM-in hazırkı 3,9%-dən 6%-ə qədər artırmaq niyyətindədir”.

KONKRET.az xəbər verir ki, bu barədə büdcə planlarının layihəsini nəzərdən keçirən “Bloomberg” xəbər verir.

Nəşr qeyd edir ki, Ukraynanın işğalından əvvəl Rusiyanın hərbi büdcəsi ÜDM-in 2,7%-ni təşkil edirdi.

Rusiyada prezident seçkiləri ilində sosial ehtiyaclar üçün də dövlət xərcləri artaraq 6,5 trilyon rubldan 7,5 trilyon rubla çatacaq. Ümumilikdə, 2024-cü ilin büdcəsinə 35 trilyon rubl daxil edilib ki, bu da bu illə müqayisədə 22% çoxdur.

Burhan,

KONKRET.az