2022-ci ilin sonuna qədər Rusiyada təbii qaz hasilatı 18-20% azalaraq 671 milyard kubmetr olacaq.

KONKRET.az xəbər verir ki, bunu Rusiya Baş nazirinin müavini Aleksandr Novak “Rossiya 24″ telekanalına müsahibəsində deyib.

“İlin sonuna neft sənayesi ötən illə müqayisədə hasilat həcmini təxminən 2% artıraraq 535 milyon ton səviyyəsinə çatdıracaq. Qaz sənayesində isə hasilatın 18-20% azalması müşahidə olunur. Buna baxmayaraq, biz bu il 671 milyard kubmetr qaz hasil edəcəyik”.

O, hasilatın dinamikasını Avropada qaz istehlakının azalması, “Şimal axını” və “Şimal axını 2” qaz kəmərlərində təxribatla izah edib.

İqbal Rzayev,

KONKRET.az