İyunun 27-də rus qoşunları Xarkova hava zərbəsi endirib.
KONKRET.az xəbər verir ki, bu barədə Xarkov Vilayət Prokurorluğunun məlumatında deyilir.
Bildirilir ki, ruslar ilk dəfə şəhərə qarşı “FAB-500″dən (yüksək partlayıcı hava bombası) istifadə edib. Bu, onların əvvəllər Xarkovu atəşə tutması zamanı istifadə etdiyi “KAB” və “FAB-250″dən iki dəfə güclüdür.
Zərbələr Rusiyanın Belqorod vilayətinin Mayski kəndindən endirilib.
Atışma nəticəsində üç fərdi ev, ali təhsil müəssisəsinin binası və Dövlət Fövqəladə Hallar Xidmətinin (FHN) binası zədələnib.
Burhan,
KONKRET.az