“Rusiyada qeyri-qanuni miqrasiyadan qaynaqlanan cinayətlərin sayı iki dəfə artıb”.

KONKRET.az-ın məlumatına görə, bu açıqlama ilə Rusiyanın daxili işlər naziri Vladimir Kolokoltsev çıxış edib.

O, deyib ki, xarici vətəndaşların bəzi qanunsuz hərəkətləri geniş ictimai rezonans doğurur və millətlərarası gərginliyin artmasına səbəb olur.

Nazir qeyri-qanuni miqrasiyaya qarşı mübarizənin strateji əhəmiyyət kəsb edən məsələyə çevrildiyini və bütün dövlət qurumları və hüquq-mühafizə orqanlarının birgə səylərini tələb etdiyini vurğulayıb.

Bundan əvvəl isə İstintaq Komitəsinin rəhbəri Aleksandr Bastrıki qeyri -qanuni miqrasiyaya qarşı mübarizəni gücləndirməyə çağırıb:

“Miqrantlar vəhhabi qruplarının tərəfdarları sifətində Rusiyaya daxil olurlar. Bu qəbildən olan cinayətlərin sayı artıb. Onlar ən pis halda terror aktlarının hazırlanmasında bilavasitə iştirak edirlər. Ən yaxşı halda isə İslam dininin qeyri-ənənəvi təriqətlərinin təbliği ilə məşğul olurlar”.

Orxan

KONKRET.az