Rusiyalı bloger Türkiyədə olarkən qadınların həyat tərzinə diqqət çəkib.

KONKRET.az rus mediasına istinadən xəbər verir ki, Yelena adlı səyyah türk qadınlarının dörd vərdişinin adını çəkib. O, fikirlərini şəxsi internet səhifəsində paylaşıb.

Səyyahın sözlərinə görə, ilk vərdiş paltarları çöldə qurutmaqdır. Türk qadınları bunu etməyə məcburdur, çünki rütubətli iqlimə görə paltar evlərində qurumur və sonradan xoşagəlməz kif iyi verir.

İkinci vərdiş isə mebellərə xüsusi qulluqla bağlıdır. Mebellərin çirklənməməsi və köhnəlməməsi üçün türk ailələrində qadınlar ev əşyalarının üzərini üzlük və xalça ilə örtür.

Türk xanımlarının köhnə dəbli və damalı çantalarla ərzaq alış-verişinə getməsi də blogeri heyrətə gətirib.

O, türk xanımlarda yemək süfrəsi təşkiletmə bacarığına da diqqət çəkib. Bildirib ki, qonaqlara dəbdəbəli süfrə açmaq qadınların bacarığı ilə ölçülür.

Yelena vurğulayıb ki, rus ailələrində belə təntənələr qəbul edilmir.

Rəsmiyyə Şərifova,

KONKRET.az