Bu ilin birinci rübündə Rusiyanın ÜDM-ə nisbətdə xarici borcun səviyyəsi tarixdə ən aşağı həddə düşüb.

KONKRET.az yerli KİV-ə istinadən xəbər verir ki, hazırda bu 15 faizdir.

Məlumata görə, ötən ilin sonunda ölkədə ÜDM-ə nisbətdə borcun həcmi 16,6% təşkil edib. Birinci rübdə bu göstərici azalmaqda davam edərək 15,45%-ə düşüb. Martın sonunda Rusiyanın həm korporativ, həm də hökumətin xarici borcu 354,8 milyard dollar olub.

Qeyd edək ki, ölkədə xarici borcun maksimum səviyyəsi 1999-cu ildə müşahidə olunub və 91% təşkil edib. 2022-ci ildə Rusiyanın dövlət borcunun son üç ildə ilk dəfə azaldığı bildirilirdi.

İqbal Rzayev,

KONKRET.az