Ukrayna Silahlı Qüvvələri Rusiyanın yanacaq dolu çənlər daşıyan yük qatarına havadan zərbələr endirib.

KONKRET.az globalinfo-ya istinadən xəbər verir ki, bu barədə məlumatı və görüntüləri İşğalın Öyrənilməsi Mərkəzinin rəhbəri Pyotr Andryuşenko paylaşıb.

“İşğal olunmuş Zaporojye vasitəsilə Rusiya ilə dəmir yolu əlaqəsi artıq mövcud deyil. Söz verdiyim kimi, dolu çənlər daşıyan yük qatarının məhv edilməsinin görüntülərini paylaşıram. Kim soruşurdu ki, ruslar niyə gecələr yanacaq daşıyır, həm də maşınlarla? Bax, məhz buna görə! Bu cür itkilərdən qaçmaq üçün”, – deyə paylaşdığı görüntüləri mərkəz rəhbəri belə şərh edib.