Gün boyu cəbhə xəttində rus işğalçılarla 89 hərbi toqquşma baş verib. O cümlədən, Xarkov vilayətinin Volçansk istiqamətində hərbi toqquşmalar davam edir.

KONKRET.az xəbər verir ki, bu barədə Ukrayna Silahlı Qüvvələri Baş Qərargahının məlumatında deyilir.

“Hazırda Volçansk istiqamətində üç nöqtədə toqquşma gedir. Bu gün burada və Liptsev yaxınlığında işğalçılar 111 canlı qüvvə itirib. O cümlədən zirehli döyüş maşını və düşmənin 23 PUA-sı məhv edilib”, – məlumatda deyilir.