Ermənistanın Baş naziri Nikol Paşinyan Qarabağ müharibəsini Ermənistanın “çevik siyasət” yürüdərək, “kifayət qədər rusiyapərəst mövqe” tutmaması ilə əlaqələndirənlərə qarşı çıxıb.

KONKRET.az xəbər verir ki, o, bu barədə özünün facebook hesabında yazıb.

Paşinyan bildirib ki, Ermənistanın keçmiş hakimiyyəti məhz rusiyapərəst mövqe ilə 2016-cı ildəki müharibəyə yol verib və diplomatiyada fiaskoya uğrayıb.

Onun sözlərinə görə, 2016-cı ildən sonra məhz Moskva Qarabağın statusunu dəqiqləşdirmədən 7 rayonun Bakıya qaytarılmasını təklif edib:

“Bizim ən böyük çatışmazlığımız ondan ibarətdir ki, iki il yarım ərzində oğurlanmış pulları (keçmiş hakimiyyətin oğurladığı pulu – red.) geri qaytara və müharibəyə hazırlaşa bilmədik”, – o yazıb.