İrana məxsus “Şahed” tipli kamikadze dron Ukraynada ələ keçirilib. Hazırda həmin pilotsuz uçuş aparatı NATO ekspertlərinin nəzarətindədir və üzərində tədqiqat, həmçinin əks mühəndislik prosesi həyata keçirilir.

KONKRET.az xəbər verir ki, bu hadisə NATO-ya İranın pilotsuz texnologiyasının səviyyəsini qiymətləndirmək və Rusiya ordusu ilə texnoloji əməkdaşlığın detalları barədə məlumat toplamaq üçün nadir imkan yaradır. Analitiklər hesab edirlər ki, bu inkişaf təhlükəsizlik, kəşfiyyat və siyasi baxımdan mühüm nəticələr doğura bilər.

Mütəxəssislər hazırda “Şahed” dronunun rabitə sistemlərini, proqram təminatını və texniki xüsusiyyətlərini analiz edirlər. Araşdırmanın nəticələri gələcəkdə bu tip dronlara qarşı effektiv müdafiə mexanizmlərinin formalaşdırılması və strateji tədbirlərin görülməsi baxımından xüsusi əhəmiyyət daşıyacaq.

Müşviq Tofiqoğlu,

KONKRET.az