Salyanda keçmiş arvadını öldürməyə cəhddə təqsirləndirilən Seyyidmehdi Babayevin cinayət işi üzrə sonuncu məhkəmə prosesi keçirilib.

KONKRET.az xəbər verir ki, Lənkəran Ağır Cinayət Məhkəməsində keçirilən prosesdə hökm oxunub.

Hökmə əsasən, Seyyidmehdi Babayev 10 il müddətinə azadlıqdan məhrum etmə cəzasına məhkum edilib.

Qeyd edək ki, ona Cinayət Məcəlləsinin 29,120.1-ci (qəsdən adam öldürməyə cəhd) maddəsi ilə ittiham irəli sürülüb.