KONKRET.az “Dünya News” telekanalına istinadən xəbər verir ki, Samsung şirkəti “Zvezda” gəmiqayırma zavodunda tikilən Rusiya qaz tankerləri üçün avadanlıqların istehsalını dayandırıb.

Samsung rəsmisi bildirib ki, şirkət beş gəmi üçün komponentlər və avadanlıqları tamamlamaq üzrədir.

Eyni zamanda, qalan 10 gəmi üçün Samsung artıq bölmə və avadanlıq istehsalını dayandırıb, lakin müqavilələr hələ də ləğv edilməyib.

Bundan əvvəl məlum olmuşdu ki, Cənubi Koreya Rusiya və Belarusa tədarüklər üçün məhdudlaşdırıcı siyahıya daha 682 növ ixrac malını əlavə edəcək.Məhdudiyyətlərin genişləndirilməsinin səbəbləri arasında bu əşyaların hərbi məqsədlər üçün istifadə edilməsinin yüksək ehtimalı daxildir.

Eyni zamanda, Seul yoxlamalardan sonra və bir sıra şərtlərə riayət etməklə fərdi icazələr vermək niyyətindədir.

Vəli Həsənov,

KONKRET.az