Fransanın paytaxtı Parisdə dahi italyan alim və rəssam Leonardo Da Vinçinin “Mona Liza” əsərinin reproduksiyası hərracda satılıb.
KONKRET.az xarici KİV-ə istinadən xəbər verir ki, 500 min avroya hərraca çıxarılan əsər 2 milyon 900 min avroya alıcı tapıb.
Bu, dünyada “Mona Liza” reproduksiyasına ödənilən ən yüksək məbləğdir. Əsərin 200-300 min avroya satılacağı düşünülürdü.
XVII əsrdə hazırlanan reproduksiya ilk dəfə 1953-cü ildə Fransadakı bir əntiq əşyalar mağazasında satılıb. Satın alan şəxs illərlə əlindəki reproduksiyanın original olduğunu iddia edib. Ancaq mütəxəssislər onun iddialarının doğru olmadığını açıqlayıblar.