“2017-ci ilin bu günü, yəni sentyabrın 1-də Ermənistanı “artsaxla” (Qarabağ – red.) birləşdirən yol təntənəli şəkildə istifadəyə verilmişdi. Açılış mərasimində Ermənistanın o zamankı prezidenti Serj Sərkisyan və “artsax lideri” Bako Saakyan iştirak edirdilər”.

KONKRET.az globalinfo-ya istinadən xəbər verir ki, bunu Ermənistan parlamentinin “Şərəfim var” fraksiyasının deputatı Tiqran Abramyan deyib.

O, həmin yolun bir vaxtlar “strateji” önəm daşıdığını bildirib:

“Bu strateji infrastrukturun yaradılması “artsaxın” təhlükəsizliyinin və iqtisadi inkişafının təmin edilməsi istiqamətində böyük addım idi. Lakin 2020-ci ildə müharibədən sonra həmin yol Azərbaycana təhvil verildi. Ərazini tam itirməyimiz məhz bundan sonra dəqiqləşdi”.

Qeyd edək ki, Bako Saakyan 2023-cü ilə Qarabağda keçirilən 1 günlük antiterror əməliyyatları zamanı saxlanılaraq Bakıya gətirilib. O, Azərbaycana qarşı hərbi cinayətlərdə ittiham olunur və hazırda məhkəməsi davam edir. Sözügedən yolun Ermənistanın dövlət büdcəsi hesabına tikildiyi bildirilir.