Dünən axşam saatlarında Bakı-Quba avtomobil yolunun 110-cu kilometrliyində Siyəzən rayonunun Ağbaş kəndi ərazisində hərəkətdə olan iki minik avtomobili toqquşub. Konkret.az-ın şimal bürosunun verdiyi xəbərə görə, hadisə nəticəsində 1959-cu il təvəllüdlü Azayev Ələm Bəhman oğlu, onun həyat yoldaşı, 1964-cü il təvəllüdlü Azayeva Aidə Dünyamalı qızı və 1959-cu il təvəllüdlü Gülmirzeyev İlham Gülünbala oğlu ağır bədən xəsarətləri alıb. Yaralılar Siyəzən Regional Diaqnostika Mərkəzinə çatdırılıb. Faktla bağlı araşdırmalara başlanıb.
C.FƏRZƏLİYEV