Bu ilin 11 ayında 667 min 939 nəfər Rusiya vətəndaşlığı alıb.

KONKRET.az xəbər verir ki, bu barədə Rusiya Daxili işlər Nazirliyi məlumat yayıb.

“2021-ci ilin yanvar-noyabr ayları ərzində barəsində Rusiya vətəndaşlığını qəbul etmək qərarı çıxarılan şəxslərin sayı 667 min 939 nəfərdir. Ötən ilin analoji dövründə bu rəqəm 563 min 342 nəfər təşkil etmişdi”, – məlumatda qeyd olunub.

Rusiya pasportunu alanların əksəriyyətini Ukrayna, Belarus, Moldova və Qazaxıstan vətəndaşları təşkil edir.

Məlumatda qeyd olunub ki, miqrasiya qeydiyyatında olan əcnəbilərin sayı da artıb. Əgər 2020-ci ilin 11 ayında onların sayı 8 milyon 983 min 944 nəfər idisə, bu ilin analoji dövründə onların sayı 11 milyon 895 min 887 nəfərə çatıb.