Suriya Konstitusiya Komitəsində təmsil olunan hökumət və müxalifət nümayəndələri yeni konstitusiyanın hazırlanması prosesinə başlamaq barədə razılığa gəlib.
KONKRET.az xəbər verir ki, bu barədə Birləşmiş Millətlər Təşkilatının Suriya üzrə xüsusi nümayəndəsi Qeir Pedersen məlumat verib.
Xüsusi nümayəndə bir həftə davam edəcək danışıqlardan əvvəl ilk dəfə tərəflərin konstitusiya islahatı hazırlamaq barədə razılaığa gəldiyini söyləyib.
Suriya hökumət, müxalifət və vətəndaş cəmiyyətini təmsil edən 45 nümayəndədən ibarət olan komitə Birləşmiş Millətlər Təşkilatının nəzarət etdiyi seçkilərə aparan yeni əsas qanun hazırlamaq səlahiyyətinə malikdir.