Türkiyənin İstanbul şəhərinin Esenyurt rayonunda yerləşən beş mərtəbəli tekstil fabrikində yanğın başlayıb.

KONKRET.az Türkiyə mediasına istinadən xəbər verir ki, hadisə yerinə çoxsaylı yanğınsöndürən briqadalar cəlb olunub.

Qısa müddət ərzində alov binanın yuxarı mərtəbələrinə yayılıb.

Hadisə ilə bağlı hələlik insan tələfatı və ya xəsarət alanların olub-olmadığı barədə rəsmi açıqlama verilməyib.